കേകയ ദുഃഖം

കേകയ ദുഃഖം

തന്മരുമകൾ ശ്രുതകീർത്തിതൻ മുന്നിൽ വന്നു
തന്റേടഭാവത്തോടെ ചോദിച്ചാൾ കൈകേയിയും:
“സീതയാരവൾ, നിങ്ങൾ താനല്ലൊ ജനകൻ തൻ
പ്രീതരാം സുതകളെന്നാലെന്തുചെയ്തു താതൻ ?
കേട്ടീലേ രാമന്നായികൊടുത്ത മഹാധനം !
കേട്ടീലേ നിൻ ജനകനുൾപ്രേമമവളോടാം !
ആകയാലവൾക്കയാൾ നൽകിപോലറുന്നൂറു-
ആനകൾ, പിന്നെപ്പതിനായിരം രഥങ്ങളും !
വാജികൾ കാലാളുകൾ ഒരു ലക്ഷം വീതവും
വീജുവാനായിട്ടൊരു മുന്നൂറു ദാസിമാരും !
ദിവ്യമാം വസ്ത്രങ്ങളും മുത്തുമാലകൾ പിന്നെ,
ദിവ്യമാം രത്നങ്ങളും പ്രത്യേകമായിട്ടൊരു -
നൂറുകോടിക്കാഞ്ചന ദ്രവ്യഭാരങ്ങൾ, പോരെ?,-
നൂറുനൂറായിരമായ് പൊടിയുന്നുണ്ടു മനം !!
നിനക്കു തന്നതെന്തോ,ന്നെന്മകൻ ഭരതനും
നിനച്ച ധനമയാൾ തന്നിരുന്നെങ്കിൽ നൂനം
രാമനോടിന്നു വനം പൂകുവാൻ കൽ‌പ്പിക്കില്ല :
രാമപത്നിയെ സദാ വിഷമിപ്പിക്കില്ല ഞാൻ !!”



©2009 Johnson mullassery.